Obacht!

Von Konrad am 30. Oktober 2009 unter Allgemein | Schreib den ersten Kommentar!

Passend zum Herbst fahrt eine recht illustre Gesellschaft nach München zum Herrn Green Day… Moi schaun ob der genauso plärrt wia da Herr AC/DC im März…

Auf alle Fälle gibts dann Buidl. Text vielleicht. Je nach dem.

Da Herr Green Day

Scheene Dirndl – Bürddl…

Von Konrad am 23. Oktober 2009 unter Allgemein | Lies den ersten Kommentar!

Do sogt no moi oana, dass se do herin nix duad! Aber hallo, iaz hamma scho (hob i) ja scho so an Haufen scheene Sachan einagschrim, gä. Und iaz kimmt glei wieder wos scheens hintnoch. Mia warn danaxd bei da Woidaaaadsch und ham a baar Bürddl von scheene Fragg gmacht. Und so hoid a. Woasdas ja ä.

Es schmerzt…

Von Konrad am 21. Oktober 2009 unter Allgemein | 6 Kommentare

Es gibt einfach Situationen im Leben, da muss man sich trennen. Es hilft nichts auch wenn es schmerzt. Obgleich es vorher das Leben erhellte, es farbenfroh gestaltete… Manchmal ist eine Trennung unvermeidbar. Es kostete viel Arbeit, Zeit und Geld – doch es gab einem soviel zurück. Spannend war jeder Tag, man genoß jede Stunde. Eine Leidenschaft, die zu jeder Sekunde erwidert wurde – sie wurde zunichte gemacht. Es zerreißt mir das Herz. Und nicht nur mir an Hoppsä auch. Das da [klicken]!

Eine ausgebrannte Leere erfüllt mich.

Das Experiment.

Von Konrad am 18. Oktober 2009 unter Allgemein | 2 Kommentare

Gestern san ma auf was gestoßen. Ein wunderschönes Experiment, besser ois der Zungentanz von Alpensound und Schmusen mitanand: Wer schaffts, dass er in einen Strohhalm nur mitm Mund (ohne Zuhilfenahme jeglicher anderer Körperteile) an Knoten einemacht?

Mir hams ausprobiert und es geht. Hod zwar a bissal dauert, aber es hod funktioniert. De zwoa kinnan des ganz bestimmt a:

Bitte alle Webcams eischoiddn, weil i drau ma wetten, dass jeder zwoade iaz irgendwaichane akrobatischen Übungen mit seim Blädschl macht…

Eiso auf eine züngelnde Woche!

Bis denn.

Nachtrag: Wer hats erfunden? Da Done. Genau der Done. Kennt ma doch oder?

Nachtrag Nr. 2: Aufgrund von Verständigungsproblemen zwischen Done und mir soi i der Welt nun kundtun: Da Done und I mia hams gschafft! An Knoten in an Strohhalm einezummacha! Wahnsinn san mir guad!

Es kirtat wieder…

Von Konrad am 17. Oktober 2009 unter Allgemein | Lies den ersten Kommentar!

Alle Jahre wieder ham doch de Auer Musi a so a Blooch an Pavillion onegschdaid. Des ganze schimpft se dann Kirtazelt. Hopps, Steffi, Joana (sprich Dschoäna) und i waren do gestern a wieder zugegen. Da Jörg Bollin hod fia a guade Musi gsorgt, da Ansager 1000 Witz vazaid, koana hod mehr zuaghead. Mia ham uns dann gekonnt da Bar gewidmet. Nach jedem Getränk san de Mischunga irgendwia stärker worn und da erste Schluck von meim letzten Ramazotti-Bull war hoid nur Bull. Dafia war dann da Rest Ramazotti in seiner ursprünglichen Form. Aber lustig wars na scho. Hod ebba von eich gwusst, dass ma vo Au ganz schee lang gäd bis ma hoamkimmt? Des dauert hoid einfach sei Zeit, ned wahr. Mia san direkt (in da) fria hoamkema, muas ma song. Warum duad ma se sowos o? Weils hoid einfach dazuaghead. Desweng wean ma do heid wieder ummeroasn. Vielleicht gibts dann Buidl. Oder da Hoppsä duad des Buidl (ich wiederhole BUIDL – A Video is koa Buidl, Hoppsä!) eina. So, i deng a moi des muas glanga fian Freitag, es steht eh noch ein langes, langes Wochenende bevor. Zwengs de Tradischinäls hoid. Wissdes eh.

Eiso measse fias lesen und bis demnächst mal wieder!
Pfia Gooooooood!

Tags: Fasching